"Машъал" бош мураббийи Александр Хомяков "Шўртан"га қарши ўйиндан сўнг ўз фикрларини билдириб ўтди.

"Ўйинимиз яхшиланмоқда, кучаймоқдамиз. Дербида ютқазиш жуда аламли бўлди. Ўтган ҳафта сафарда "Динамо"ни ютгандик. Афсуски, биринчи ўтказиб юборган голимиз, амалга оширилмаган пенальти бизга қарши ишлади. Яна бир маротаба мухлисларимизни ранжитишга мажбур бўлдик.

Бизда пенальтини тепадиганлар кўп. Улардан бири Зафар Тўраев эди. У ўзига ишонганди. Зарба берди. Лекин... Назаримда, ўйин бўйича рақибга ютқазмадик. 

Агар рақиб икки нафар ҳужумчи билан ўйнаса биз уч ҳимоячи билан ўйнаймиз. Агар рақиб бир ҳужумчи билан ўйнаса биз иккита марказий ҳимоячини ўйнатамиз. Иккинчи бўлимда иккинчи голни ўтказиб юборганимиздан сўнг рақиблар бир ҳужумчи билан ўйнай бошлашди. Шу сабабли, Шайманов олдинга чиқди. 
Вазифамиз, гол уриб, ҳимояда тартибли ўйнаш эди. Бироқ, бундай ҳавода бу тарзда ўйнаш осон бўлгани йўқ. Футболда бундай ҳолат бўлиб туради. 

Ўйинни кечроқ бошлаш? Албатта. Бу ҳақида ўйлаб кўрдик. Бу ҳақида яна ўйлаб кўрамиз. Соат 19:00да бошлаш вариантини ҳам кўриб чиқамиз. 

Асосий эътиборимизни ўйин сифатини кучайтиришга қаратмоқдамиз. Бу устида ишлаяпмиз. Мухлисларни хурсанд қила олмаганимиздан афсусдамиз.

Эски футболчилар кетганидан сўнг ўйинимизда ҳам ўзгаришлар юз берди. Таркибимизни кучайтиришга келадиган бўлсак, ҳужумкор футболчиларни олишимиз лозим".