«F» гуруҳидан ўрин олган Фижи ва Ўзбекистон ёшлар терма жамоалари ўртасидаги учрашувдан (0:3) сўнг матбуот анжумани ўтказилди, деб хабар беради ФИФА расмий сайти.

Равшан Ҳайдаров, Ўзбекистон U-20 бош мураббийи:

- Бу бизнинг сўнгги имкониятимиз эди. Биринчи бўлимда ҳар қанча ҳаракат қилмайлик, рақиб дарвозасини ишғол қилолмадик. Аммо танаффусдан кейин футболчиларим қўйилган вазифани аъло даражада уддалашди. Улар тактик жиҳатдан жуда яхши ҳаракатланишди.

Жаҳон чемпионатида дастлабки ғалабани қўлга киритганимиздан жуда хурсандмиз. Албатта бу охиргиси бўлиб қолмаслигига умид қиламан. Ўйлашимча, биз бугун тактик жиҳатдан яхши ўйин ўтказдик, аммо биринчи бўлимда гол кирита олмадик.

Бизнинг кейинги рақибимиз бўлмиш Австрия жуда кучли гуруҳдан чиққани яхши биламиз, улардан ўрнак олиш мумкин бўлган жиҳатлар ҳам йўқ эмас.

Энди футболчиларга ўзларини тиклаб олишлари учун бироз дам берамиз ва шундан сўнг навбатдаги ўйинга тайёргарликни бошлаймиз, - деди Равшан Ҳайдаров.