Бир ҳафта давомида (7-14 июнь) пойтахтимиздаги "Ўзбекистон" спорт мажмуасида давом этган бокс бўйича ўсмирлар ўртасида Осиё чемпионати баҳслари якунига етди. 13 вазн тоифасида қитъамизнинг 15 давлатидан энг кучли чарм қўлқоп усталари ғолиблик учун беллашдилар.

Қувонарлиси, барча вазн тоифаларида юртимиз шарафини ҳимоя қилган боксчиларимиз финалга қадар етиб келишди ва 6 та олтин ва 7 та кумуш медални қўлга киритиб, умумжамоа ҳисобида биринчи ўринни қўлга киритдилар.

Олтин медалларга Билолбек Мирзаҳакимов (57 кг.), Темур Мержанов (63 кг.), Яҳёхон Саидхонов (70 кг.), Қосимхон Қосимов (75 кг.), Аббосхон Мирзаабдуллев (-80 кг.), Роримша Профсор (+80 кг.) эгалик қилган бўлишса, Дилшодбек Рўзиметов (66 кг.), Темурбек Саъдуллаев (60 кг.), Саиджамшид Сафаров (54 кг.), Муроджон Алиев (52 кг.), Жаҳонгир Раҳмонов (50 кг.), Баҳодир Баротов (48 кг.), Халимбек Утегенов (46 кг.) кумуш медаллар билан тақдирландилар.

Ҳамюртларимизни ушбу ғалабалар билан қутлаймиз ва уларга кейинги мусобақаларда ҳам улкан зафарлар тилаб қоламиз.