«Милан» собиқ бош мураббийи Филиппо Индзаги клуб билан шартномани муддатидан аввал бекор қилгани учун компенсация пули оладиган бўлди.
Клуб билан келишувга кўра, 41 ёшли мутахассис 300 минг евро миқдорида товон пули олади, дея хабар беради La Gazzetta dello Sport.
Эслатиб ўтамиз, Индзаги «Милан» бошқарувида бор-йўғи бир йил ишлади. «Россонери» якунланган мавсумда Италия чемпионатида 10-ўринни эгаллади ва еврокубокларда иштирок этиш ҳуқуқини қўлга кирита олмади.
«Милан»нинг янги бош мураббийи этиб Синиша Михайлович тайинланди.
