Бразилия термаси ҳужумчиси Неймарнинг Колумбия термасига қарши ўйиндан кейинги 4 ўйинлик дисквалификацияси унинг фақат майдондаги эмас, балки майдон ташқарисидаги қилмиши учун ҳам берилган бўлиб чиқмоқда.
Marca газетасининг хабарига кўра, Неймар стадион биноси ичкарисида учрашув ҳаками Энрике Сенковичга "Сен ярамас, менинг номим билан машҳур бўлмоқчисан" деган сўзларни ишлатган. Буни бош ҳакам ўзининг расмий докладида қайд этган.
Эслатиб ўтамиз, Бразилия терма жамоаси Неймарнинг дисквалификацияси бўйича аппелляци беришини маълум қилган.
