Ўзбекистон олимпия терма жамоаси бош мураббийи алмаштирилди. Шу вақтга қадар ушбу жамоани бошқариб келган Бахтёр Ашурматов ўрнига “Пахтакор” футбол клубида жамоа бошлиғи вазифасида ишлаб келаётган Виктор Жалилов тайинланди.
Таъкидлаш керакки, 2016 йилнинг январ ойида Ўзбекистон олимпия терма жамоаси Қатарда бўлиб ўтадиган 23 ёшгача бўлган футболчилар ўртасидаги Осиё чемпионатида иштирок этади. Ушбу мусобақа Рио-де-Жанейрода бўлиб ўтадиган Олимпиядага саралаш вазифасини ҳам ўтаб беради. Осиё чемпионатида энг яхши 3 натижани қайд этган жамоалар Брязилияда бўлиб ўтадиган Олимпияда йўлланмасини қўлга киритади.
