Мамлакатимизнинг биринчи ракеткаси Денис Истомин Буюк Британиянинг Ноттингем шаҳрида давом этаётган теннис турниридаги иштирокини муваффақиятли давом эттиряпти. Ҳозиргина ҳамюртимиз нимчорак финалдаги ўйинини ғалаба билан якунлади.
ATP рейтингида 83-ўринни эгаллаб турган Денис дунёнинг 49-ракеткаси Сергей Стаховский билан тўқнаш келди. Икки сет давом этган баҳсда Истомин кучли рақибини 7:5, 6:4 ҳисобида мағлуб этиб, чорак финалга йўл олди.
Таъкидлаш жоиз, кеча ҳамюртимиз иккинчи давра учрашувида дунё рейтингида 35-поғонадан жой олиб турган аргентиналик Хуан Монакони ортиқча қийинчиликсиз 6:1, 6:2 ҳисобида мағлуб этганди.
