Ди Мария “Манчестер Юнайтед” сафига ўтар экан “Реал” агентлари унинг Испания чемпионатига қайтиш эҳтимолини йўққа чиқариш мақсадида ажойиб ишни амалга оширган экан. Яъни аргентиналик футболчи “Туманли альбион”ни тарк этиб, яна Испанияга қайтса трансфер шартларидан бирини амалга оширишга мажбур бўлади.
Агарда Ла Лига клубларидан бирининг футболчисига айланса, футболчи ўз ҳисобидан 10 миллион евро маблағни “Қироллик клуби” ғазнасига ўтказиши керак. Бу эса энг яқин трансфер қилувчиси “Барселона” клуби билан ўртадаги музокараларга жиддий таъсир қилиши мумкин. Чунки, футболчи ўз иши билан шуғулланади, клуб эса ўз иши билан. Якунда эса компенсация ҳақини тўлаш яна трансфер қилиб олаётган клуб зиммасига тушади. Ҳозирги вазиятда эса “Барселона” зиммасига. Қолверса, футболчининг ўзи “МЮ”да қолишга яқин. Негаки, унинг трансферини амалга оширишни истаган “Барселона” ва ПСЖ каби грантлар уни йирик маблағ эвазига ўз таркибига қўшиб олмаса керак. ПСЖда маблағ бобида муаммо бўлмаса-да, ФИФА томонидан чеклов мавжуд. “Барселона” учун эса қиммат футболчини ўз таркибига қўшиб олгандан кўра, қиммат футболчи сотган афзал.