Олий лига 14-тури доирасида "Пахтакор" - "Насаф" учрашувидан сўнг (3:1) ўтказилган матбуот анжуманида мезбонлар менежери Самвел Бабаян журналистлар қаршисида фикрларини билдирди.
Ўйин чемпионлик аҳамиятига эга эди. Биз буни тушуниб тургандик. Рақиб жиддий жамоа эди. Йигитлар режаларимизни амлага оширишди.
Иккинчи бўлимда ҳам мақсадимиз биринчиси сингари эди. Биз ҳужум қилишда эмас, ҳимояланишда ҳам ўз имкониятларимизни намойиш этдик.
"Насаф" иккинчи голни урганида ўйин бошқача кечарди.
- Ўтган ўйинда ҳам, бугун ҳам иккинчи бўлимда ташаббус рақибга топширилмоқда...
- Бу психология билан боғлиқ деб ўйлайман.
Қолаверса бир нарсани унутмаслик керак: "Насаф" чемпионлик учун курашаётган жаоалардан бири. У ерда яхши иш кетмоқда.Жамоа мураббийи жамоада яхши иш олиб бораётгани билиниб турибди... Насаф"да иқтидорли футболчилар тўп тепмоқда. Муҳаммадиев, Гадоев сингари терма жамоага номзод футболчилар ўйнамоқда.
Жамшид Искандеров ҳозир 50 фоиз ўйинга тайёр. Жароҳат ва МТЖнинг ўйинлари унга бироз салбий таъсир ўтказди, холос.
Ўйлайманки, у келажакда жамоасидаям, МТЖдаям ҳал қилувчи ўйинчига айлана олади. Ҳозир у тикланиш жараёнида...
