"Манчестер Юнайтед"нинг собиқ футболчиси Рио Фердинанд Серхио Рамоснинг "Реал"дан "МЮ"га келиши ҳақидаги гапларга ишончсизлик билан қарамоқда.
Унинг фикрича, бу футболчининг агенти томонидан "Реал" Рамосга яхшироқ молиявий шартнома таклиф қилиши учун ўйлаб топилган.
"Рамос "Манчестер Юнайтед"да? Бундай бўлмайди. У бу ерга келмайди. Менимча, унга "Реал"да янги шартнома таклиф қилишади.
Балки, бу миш-мишлар айнан шундай бўлиши, Рамосга молиявий жиҳатдан яхшироқ шартнома таклиф қилиниши учун унинг агенти томонидан тарқатилгандир", деб фикр билдиради Фердинанд Goal.com нашри вакилига берган интервьюсида.
