“Бунёдкор” – “Олмалиқ” учрашувидан кейинги матбуот анжуманининг иккинчи қисмида “қалдирғочлар” устози Сергей Лушчан қатнашди.
- Оғир ўйин. Бугунги баҳс биз учун ҳам, “Олмалиқ” учун ҳам муҳим эди. Унда ғалаба қозонганимиздан хурсандман. Қайд этишим керакки, орқа чизиқдаги ҳаракатларимиз жуда аниқ ва тартибли бўлди. “Олмалиқ”га бўш худудлар бермадик. Ана шунинг учун ҳам уларда вазият бўлгани йўқ. Айниқса, рақиб қанотларини ёпдик. Бу борада Акмал Шораҳмедовга алоҳида раҳмат айтаман. Олдинга интилишда давом этамиз. Шодиев секин-аста ўз формасини тиклаб бормоқда. Давралар орқалиғида таркибни кучайтирамиз, - дейди Сергей Лушчан.