Ёзги трансферларнинг асосий янгиликларидан бири “Атлетико” ярим ҳимоячиси Арда Тураннинг бошқа клубга ўтиши бўладиган кўринади.
“Атлетико”да ўтган тўрт йил давомида Арда деярли барча совринларга эга чиқди, — дея футболчининг агенти Аҳмад Булут сўзларини келтиради Football.ua. — Айни вақт у учун бошқа вариантларни кўриб чиқаяпмиз. Футболчи Мадридни тарк этиши борасида қатъий қарор чиқарганмиз”.
“Атлетико” раҳбарияти қароримиздан ҳайратланишди, чунки улар футболчини қўйиб юбормоқчи эмас. Лекин биз ўз фикримизда собит турдик, қароримизга ҳурмат юзасидан улар эътироз қилишмади”.
“Мижозим атрофида миш-мишлар кўп, лекин уларнинг ҳеч бири ҳақиқатга мос келмайди. Босим ортиб бораётгани сабаб янги жамоа номини тезроқ эълон қилишга ҳаракат қиламиз. Арданинг янги клуби қайси жамоа эканлиги яқин тўрт кун ичида маълум бўлади”, - дейди Булут.
