“Рома” ярим ҳимоячиси Андреа Бертолаччи “Милан”га кўчиб ўтди.

Италия терма жамоасининг 24 ёшли аъзоси Милан шаҳри клуби билан 2019-йилгача амал қиладиган шартномага имзо чекди, деб ёзмоқда Sports.ru.

Эслатиб ўтамиз, мавсум якунига етгач “Рома” Бертолаччига эгалик қилиш ҳуқуқининг қолган қисмини “Женоа”дан 8,5 миллион евро эвазига сотиб олганди. “Милан” трансфер учун Рим клубига 20 миллион евро бергани хабар қилинмоқда.

Шунингдек, Бертолаччи “Милан”да йилига 2 миллион евро маош ҳамда агар “россонерлар” ЕЧЛга йўлланмани қўлга киритишса бонус тариқасида яна бир миллион евро олиши ҳақида маълумотлар бор.

2014/15-йилги мавсумда Бертолаччи “Женоа” сафида 34 учрашувда майдонга тушган ва 7 гол ҳамда 7 голли пас муаллифи бўлган.