“Локомотив” олий лиганинг навбатдаги турини ўз майдонида ўтказади. “Темирйўлчилар” ТТЙМИ стадионида “Навбаҳор”ни қабул қилишади.

Олий лига. 15-тур. 19:30
«Локомотив» (Тошкент) – «Навбаҳор» (Наманган)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Н. Қосимов (Қарши)
Назоратчи: Д. Роман (Тошкент).

"Навбаҳор" ҳамда "Локомотив" Олий Лигада жами 20 бор тўқнаш келишган. "Локомотив" 9 марта, "Навбаҳор" 7 марта ғолиб чиққан, 4та баҳсда дуранг натижа қайд этилган. Тўплар нисбати "Навбаҳор" фойдасига 29:27ни ташкил қилмоқда. Ўзаро ўйинларда "Локо" 31, "Навбаҳор" эса 25 очкони қўлга киритишган.

Навбаҳорнинг "Локомотив" устидан қозонган энг йирик ғалабаси – 6:2. "Темирйўлчилар"нинг ўзаро ўйинларда наманганликлар устидан қозонган энг йирик ғалабаси ҳозирча 3:0.

Ўтган мавсум биринчи турда Косонсойда бўлиб ўтган ўйинда темирйўлчилар муваффақият қозонишган. Биринчи бўлимга қўшиб берилган дақиқада Иван Нагаев тўп киритганди – 0:1. Тошкентда Александр Гейнрих ва Алишер Шоғуломовнинг голлари Локога 3 очко келтирган – 2:0.

Тошкентда бўлиб ўтган сўнгги беш учрашув:

03.10.2009 «Локомотив» – «Навбаҳор» 2:0
24.04.2010 «Локомотив» – «Навбаҳор» 1:3
25.10.2012 «Локомотив» – «Навбаҳор» 3:0
03.11.2013 «Локомотив» – «Навбаҳор» 3:0
04.08.2014 «Локомотив» – «Навбаҳор» 2:0

Ўзаро ўйинлардаги факт: "Локомотив" ўз майдонида бўлиб ўтган 10та ўйиннинг 7тасида ғолиб чиққан. Икки марта ғолиб аниқланмаган бўлса, "Навбаҳор" сафарда фақат бир бор муваффақият қозонган. 2010 йилги мавсумда "лочинлар" Тошкентдан 3:1 ҳисобидаги ғалаба билан қайтишган. Охирги уч йилда "Навбаҳор" сафарда бу рақибга фақат мағлуб бўлган ва умуман гол ура олмаган.