5 июль куни "Пахтакор" Қўқонда 2-турнинг кечиктирилган учрашувини ўтказади.
2-турда ўтиши керак бўлган ўйин тошкентликлардан олимпия терма жамоасига футболчилар чақирилгани сабабли қолдирилганди. Мезбонлар сафида ушбу баҳсда Игорь Голбан сариқ карточкалари сони 4тага етгани сабабли ўйнай олмайди.
Олий лигада жамоалар жами 18 марта тўқнаш келишган. "Пахтакор" 11 марта ғолиб бўлган, 2та ўйинда дуранг қайд этилган. Қўқонликлар ҳисобида 5та ғалаба мавжуд. Тўплар нисбатида ҳам "Пахтакор" олдинда - 30:11.
Бу жамоаларнинг водийда ўтган ўйинларида “Қўқон” 4 бор зафар қучган. Икки бор ғолибни аниқлашнинг имкони бўлмаган. “Пахтакор” ушбу жамоа майдонидан 3 бор 3 очко билан қайтган.
Ёшлар таркиблари баҳси 4 июль, шанба куни Қўқондаги "Марказий" стадионда соат 18:00да бошланади. Асосий жамоалар учрашуви 5 июль, якшанба куни соат 18:00да шу стадионда старт олади.
"ҚЎҚОН-1912" - "ПАХТАКОР"
Ҳакамлар: Ильгиз Танташев (Бухоро), Бобур Қодиров (Бухоро), Абдураҳмон Қўлдошев (Бухоро), Акмал Раҳимов (Андижон).
Назоратчи: Александр Попов (Тошкент).