Чили терма жамоаси ва “Ювентус” ярим ҳимоячиси Артуро Видаль Америка Кубоги финал учрашувининг энг яхши ўйинчиси деб топилди. Бу ҳақида soccer.ru хабар тарқатди.

Видаль ўйиндан кейинги пенальтилар сериясида ўз имкониятидан самарали фойдаланиб, жамоасининг Аргентина терма жамоаси устидан ғалаба қозонишига катта ҳисса қўшди.

Эслатиб ўтамиз, турнир давомида чилилик футболчи ёқимсиз вазиятга тушиб қолган ва маст ҳолда машина бошқаргани учун ҳайдовчилик гувохномасидан маҳрум қилинганди. Бундан ташқари ушбу ҳатти-ҳаракати туфайли унинг Чили термаси таркибидан четлатишига ҳам оз қолганди.