“Орландо Сити” ярим ҳимоячиси Какага MLS чемпионати “Реал Солт-Лейк” клубига қарши учрашув (1:1) вақтида тўғридан-тўғри қизил карточка кўрсатилди, деб хабар бермоқда Championat.com.
Ўйиннинг 45-дақиқасида 33 ёшли бразилиялик футболчи жарима майдончаси яқинида ярим ҳимоячи Хавьер Моралесни йиқитди. Кака дастлаб рақибини қўли билан ушлаб қолишга уринган, бироқ у тажрибали футболчидан тезда қочиб кетди, натижада Кака томнидан қўпол тарзда йиқитилди.
Аввал бразилиялик футболчи икки бора майдондан четлатилган ва иккала сафар ҳам сариқ карточкаларнинг икки бора кўрсатилиши натижасида қизил карточка олганди. Каканинг биринчи четлатилиши 2010-йилда Бразилия терма жамаосининг Кот-д'Ивуарга қарши ўтган учрашувида кузатилган, иккинчи қизил карточка эса 2013-йилда “Реал”нинг “Осасуна”га қарши ўйини вақтида кўрсатилганди.
