“Арсенал” раҳбарияти “Наполи” ҳужумчиси Гонсало Игуаинни сотиб олишга уринишда давом этмоқда, деб хабар бермоқда La Gazzetta dello Sport га асосланиб Спорт Экспресс. 

Нашр хабарига кўра, Лондон клуби 27 ёшли аргентиналик форвард учун 60 миллион евро беришга тайёр. Аввал Европа ОАВда Гонсалога “Челси”, “Ливерпуль” ва “Манчестер Юнайтед” клубларининг қизиқиш билдиришаётгани, футболчининг ўзи ҳам фаолиятини Англияда давом эттиришни исташи ҳақида хабарлар тарқалганди. 

Игуаин якунига етган мавсум Неаполь жамоаси таркибида барча мусобақаларда 58 учрашув ўтказган ва уларда 29 гол ҳамда 10 натижали узатмага муаллифлик қилганди.