Туркиянинг “Бешиктош” клуби сенегаллик Демба Бани “Шанхай Шэньхуа”га пуллаганидан кейин унинг ўрнига янги ҳужумчи олишни режалаштирган. Бу ҳақида Championat.com AMK Spor маълумотига таяниб хабар қилмоқда. “Қора бургутлар” “Коринтианс”да тўп сураётган “ЦСКА” собиқ ҳужумчиси Вагнер Лавга қизиқиш билдиришаяпти.
Хабарга кўра, турк клуби тажрибали форвард трансфери бўйича музокараларни ҳам бошлаб юборган. Лавнинг ўз ҳам Европага қайтиш учун маош борасида чекловлар қилишга-да тайёр турибди.
31 ёшли бразилиялик футболчи бу йилги мавсум Бразилия А Сериясида 8 учрашув ўтказган ва уларда 3 гол киритган.
