Жоан Лапорта 18 июль куни "Барселона"да бўлиб ўтадиган навбатдаги президентлик сайловларида ғалаба қозонадиган бўлса, жамоага Туриннинг "Ювентус" клуби ярим ҳимоячиси Поль Погбани олиб келишни ваъда берди. 53 ёшли ҳуқуқшунос бу сайловда Хосеп Мария Бартомеу курсисини эгаллашни мақсад қилган.
Куни кеча "Барселона" туркиялик ярим ҳимоячи Арда Туран билан шартнома измзолади, аммо Лапортанинг фикрича, бу Погбанинг ҳам жамоага келишига халақит бермайди.
– Туран билан имзоланган шартнома Погбани олиб келишга тўсқинлик қилмайди. Агар сайловда ютиб чиқсак, шу йилнинг ўзидаёқ Погбанинг жамоага келишига ҳаракат қиламиз. Бунда асосий ролни агент Мино Райола ўйнайди. Биз у билан яхши муномабатдамиз. Поль "Барселона"да тўп суришига аминман, – дейди Лапорта.
