Златан Ибраҳимович ПСЖни тарк этиб, “Реал”да ўз фаолиятини бошлашга яқин турибди.
Швед ҳужумчисининг голлари қандай жамоаларни “нокаут”га учратгани барчага маълум. Яна қанча грантлар унинг голидан кейин “нокдаун” ҳолатига тушиб қолгани ҳеч кимга сир эмас. “Швед машинаси”, Европада айнан шу ном билан танилган футболчининг техникаси худди шундай ном билан аталишга муносиб. Зеро, мақсадни аниқ қилиб қўйган футболчи учун масофанинг аҳамияти йўқдек гўё.
“Реал” эса Алваро Моратани қайтариш режасини ортга сурган ҳолда ўзига яна бир бош оғриқ ортириб олди. Сабаби, Карим Бенземанинг ортидан АПЛ клублари изма-из “таъқиб” қилиб келишмоқда. Бошқа етакчи футболчиларга келсак ё трансфер қилинмоқда, ё бўлмасам шу жараён остонасида туришибди. Яна бир тоифадаги ҳужумчилар (Хесе кабилар) эса ўзининг ўйинларини ҳали ҳануз қайта тиклаб олганича йўқ. Златан эса ўзига хос техника соҳиблигидан ташқари оғир табиат ва ўта мағрур феълли футболчи. Бу эса Мадрид мухлисларини сира ҳам ажаблантирмаслиги лозим. Зеро, Луис Энрике сингари ҳужумчи ҳам “Барселона”да тўп сурган. У тўп сурган жамоаларда камдан кам футболчилар ўз фаолиятини олиб бориш бахтига мушарраф бўлган.
“Интер”, “Милан”, “Ювентус”, “Барселона”, ПСЖ ва ниҳоят бу қаторни "қироллик клуби” тўлдириши мумкин. Бу ҳам трансферлар оламидаги янги рекорд бўлиши муқаррар. Бунинг учун эса аввало трансфер амалга ошса бас. Ҳужумчининг навбатдаги трансфери 6 миллион еврони ташкил қилса ҳам, бу футболчининг обрўсига путур етказмайди. Ваҳоланки, ҳужумчининг Мадридда оладиган йиллик маоши 12 миллион еврони ташкил қилиши ҳақида хабар берилмоқда. Бу эса ҳужумчи ўз фаолиятини “Милан”да эмас, балки, “Реал”да ўз якунига етказишини таъминлайди.
