Жанубий Кореянинг Кванджу шаҳрида ўтказилаётган Бутунжаҳон Универсиада ўйинларида Ўзбекистон терма жамоаси вакиллари медаллардан қуруқ қолишда давом этмоқда.
Спорт гимнастикасининг таяниб сакраш мусобақасида иштирок этган терма жамоамиз аъзоси Дилноза Абдусалимова 13.266 очко тўплаган ҳолда 4-ўринни эгаллади.
Таъкидлаш жоизки, Дилноза Абдусалимова мазкур мусобақада бронза медалини қўлга киритган португалиялик Филипа Мартинсдан бор йўғи 0,100 очко кам жамғарди.
Ушбу мусобақада олтин медалга япониялик Ю Минобе (14.000 очко) сазовор бўлган бўлса, россиялик Полина Федорова 13.733 очко билан иккинчи ўринни эгаллади.
