“ПСЖ” “Манчестер Юнайтед” ҳамда Аргентина терма жамоаси ярим ҳимоячиси Анхель Ди Марияни таркибига қўшиб олиш учун бор имкониятни ишга солмоқчи, деб хабар бермоқда Foot365 га асоланиб Спорт Экспресс нашри.
Хабарга кўра Париж клуби раҳбарияти 27 ёшли аргентиналик футболчига йилига 18 миллион евро маош беришга тайёр. Трансфер учун эса 60 миллион евро сарфламоқчи.
Эслатиб ўтамиз, Ди Мария “Манчестер Юнайтед”га 2014-йилда “Реал”дан 59,7 миллион фунт эвазига ўтган ва бу АПЛ учун рекорд трансфер ҳисобланади.
Якунига етган мавсумда хавбек “Қизил иблислар” сафида 32 ўйин ўтказган ва уларда 4 гол киритиб, шерикларини 10 та голли пас билан таъминлашни уддалаган.
