"Реал" ва "Порту" дарвозабон Икер Касильяснинг трансфери бўйича келишиб олди, дея хабар беради мадридликлар расмий сайти.

AS хабарига кўра, Испания терма жамоаси посбони португалияликлар билан икки йиллик шартнома тузади. Унинг йиллик маоши 3,5 миллион евро қилиб белгиланади.

Касильяс "Реал" таркибида 1999/2000 йилги мавсумда дебют қилган. Футболчи клуб билан 5 марта Испания чемппионлиги, 2 марта мамлакат кубоги, 4 марта Суперкубогини қўлга киритган, шунингдек, чемпионлар лигасида 3 марта ғолиб чиқиб, 2 марта Европа Суперкубоги ғолиби бўлган. Испания термаси сафида жаҳон чемпиони ва икки карра Европа чемпиони номига эришган.