Фижи терма жамоаси ўз тарихида биринчи бор Олимпиада ўйинлари асосий футбол мусобақасида ўйнайди, деб хабар бермоқда Спорт Экспресс.

Рио-де-Жанейрода ўтадиган Олимпиада - 2016 саралаш босқичининг ҳал қилувчи финал ўйинида Фижи ороли терма жамоаси Вануатуни мағлубиятга учратди (асосий вақтда - 0:0, пенальтилар бўйича - 4:3) ва Бразилияда ўтадиган Олимпиада ўйинларида Океания минтақаси иштирокчиси сифатида қатнашади. Шуни ҳам таъкидлаш керакки, Фижи – Океания тарихида Олимпиада ўйинларида қатнашадиган учинчи терма жамоа бўлади аввал Австралия ва Янги Зеландия ушбу ҳуддуддан тўрт йилликнинг энг нуфузли мусобақасида иштирок этишни уддалашганди.

Эслатиб ўтамиз, Фижи аслида финалда Янги Зеландия билан майдонга тушиши лозим эди, аммо янги зеландияликлар гарчи Вануату термасидан устун келишган бўлса-да (2:0) асли жанубий африкалик Деклан Виннинг ўрнатилган тартибда мамлакат фуқаролигини олмай туриб ярим финалда майдонга туширилгани сабаб мусобақадан четлатилганди.