Таниқли футбол агенти Сефер Алибаев ҳамюртимиз Максим Шацких билан ҳамкорлик қилади. У ҳужумчининг "Рух" билан шартнома имзолагани ва унинг кейинги фаолияти борасида sport.ua сайтига ўз фикрларини билдириб ўтди.
«Максим Шацкихнинг «Рух»га ўтиши борасида тўхталадиган бўлсам, ОАВ воқеалар ривожидан бироз илгарилаб кетди. Максим "Рух" раҳбарияти билан учрашди. Унинг Александр Алиев билан танишлиги ва вазиятни ўз кўзи билан кўргани Шацкихнинг қарорига таъсир кўрсатди. Бу Премьер-лига клуби — "Говерла"га нисбатан нисбатан профессионал жамоа.
Максим 14 ой давомида "Говерла"да маош олмади. Лекин вазият ўзгаришига у охиригача ишонади. "Рух" раҳбариятидан яхши таклиф тушгани учун Шацких улар билан учрашди ва бир қарорга келди. Унинг профессионал фаолиятига нуқта қўйишга шошилиш керак эмас. Максимга бир қатор таклифлар бор, жумладан, хориждан. Унга Англия жамоалари, ҳаттоки Премьер-лига жамоалари қизиқишмоқда. Кеча бу масаладан учрашув ўтказдик. Бизникилардан фарқли равишда у ерда футболчининг ёшига қараб ўтиришмайди. Яхшиямки ҳозир тенденция ўзгарган.
"Рух"нинг таклифи моддий томондан яхши бўлгани учун Максим жамоанинг таклифини қабул қилди деган фикрдан йироқман. Энг аввало у вазиятни ўзгартиришни истади. Клубнинг инфраструктураси кутилганидан яхшироқ бўлиб чиқди. Ҳали Максимнинг кўпгина жамоаларга ёрдами тегади. Тўғри, у аввалгидек тезкор эмас, аммо тез фикрлаши орқали жамоани бошқара олади» - дейди Сефер Алибаев.
