Хитойнинг “Чанчунг Ятай” клубида фаолият олиб бораётган Анзур Исмоилов учун ўтган ҳафта ёмон кечмади.

Жамоа Суперлиганинг 2та ўйинда майдонга тушиб, битта ғалаба қозонди ва битта дурангга эришди. Аввалига "Чангчун" 2:1 ҳисобида «Лиаонинг» устидан зафар қучди.

“Жиангсу Саинти”га қарши учрашувда эса Исмоилов гол уришга муваффақ бўлди. Ўйин тугашига 8 дақиқа қолганда урилган ушбу гол "Чангчун Ятай"ни мағлубиятдан қутқариб қолди. Бу Исмоиловнинг ушбу мавсумдаги илк гол бўлди.

Ушбу натижадан кейин ҳамюртимиз жамоаси жадвалда 9-ўринга кўтарилиб олди. Уларнинг ҳисобида битта қолдирилган ўйин бор. Жамоа унда ғалаба қозонса, 7-ўринга чиқиб олиши мумкин.