Россия Премьер-лигасининг 1-тури доирасида «Краснодар» Пермда «Амкар» меҳмони бўлди ва қийинчилик билан ғалаба қозонди.

Ўйин хавфли вазиятлар ва чиройи билан эмас, кўпроқ ҳакамнинг қизил карточкалари билан ёдда қолди. Учрашувнинг 13-дақиқасидаёқ "Амкар" футболчиси Прудников майдондан четлатилган бўлса, ўйин тугашига 20 дақиқа қолганида краснодарлик Газинский иккинчи сариқ карточка олишга мажбур бўлди. 84-дақиқада эса Петров томонидан йўлланган таваккал зарбани мезбонлар дарвозабони ўтказиб юборди. Натижада ягона гол "Краснодар"га 3 очко келтирди.

Одил Аҳмедов баҳсни асосий таркибда бошланди ҳамда 61-дақиқада ўз ўрнини Лабордега бўшатиб берди.

Россия Премьер-лигаси, 1-тур
Амкар – Краснодар 0:1 (0:0, 0:1)
Гол: 0:1 – 84 Петров.
Амкар – Герус, Черенчиков, Бутко, Белоруков, Идову (Курзенев, 90), Баланович (Комолов, 81), Огуде, Пеев (Салугин, 63), Голь, Занев, Прудников.
Краснодар – Дикань, Гранквист, Енджейчик (Калешин, 82), Сигурдссон, Газинский, Петров, Ахмедов (Лаборде, 61), Мамаев, Перейра (Торбинский, 76), Ари, Смолов.
Огоҳлантиришлар: Прудников (10), Газинский (13), Енджейчик (22), Мамаев (72), Лаборде (73).
Четлатишлар: Прудников (13), Газинский (71).