Австралияда янги мавсумга тайёргарлик кўраётган “Ливерпуль” бугун “Аделаида” билан ўртоқлик ўйини ўтказди.

Жамоаларимизга яхши таниш бўлган “Аделаида Юнайтед” билан учрашув “қизиллар” учун осон ўтгани йўқ. Биринчи бўлимда мерсисайдликлар ҳарчанд уринишмасин рақиб дарвозасини ишғол қила олишмади.

Иккинчи таймда аниқроғи 67-дақиқада жамоанинг янги аъзоси Жеймс Милнер ҳисобни очди. Учрашув асосий вақти якунланишига 2 дақиқа қолганида Ингз фарқни иккитага ошириб, якуний ҳисобни ўрнатди.

Ўртоқлик ўйини.
АДЕЛАИДА ЮНАЙТЕД (АВСТРАЛИЯ) – ЛИВЕРПУЛЬ (АНГЛИЯ) 0:2 (0:0)
Голлар: 0:1 – 67 Милнер, 0:2 – 88 Ингз.
Аделаида Юнайтед – Галекович, Элрих, Жегго (Мельс, 82), О.Малик, Сирио, Карруска (Смит, 90), Макгоуэн, Гудвин (Ла Рокка, 78), Кортес, M.Марроне, Жейт (Санчес, 63).
Ливерпуль – Миньоле, Ловрен, Клайн, Шкртел, Гомес (Морено, 46), Аллен (Маркович, 84), Хендерсон, Айб, Лаллана, Милнер (Лейва, 73), Орижи (Ингз, 68).
Огоҳлантириш: Карруска (70).