"Олмалиқ" кеча ўқув-машғулотлари жараёнида учинчи назорат ўйинини ўтказди. Эроннинг "Фулад" жамоаси билан ўтган назорат ўйинида ягона гол ўйин тақдирини ҳал қилди.
65-дақиқада "Олмалиқ" дарвозаси томон белгиланган пенальтидан рақиб унумли фойдаланди. Мазкур баҳсда жамоамиздан 16 нафар футболчи иштирок этди. Умид Хонимқулов ва Ғулом Ўрунов кичик жароҳат сабаб майдонга тушишмаган бўлса, тўрт футболчимиз Жаҳонгир Абдумўминов, Никита Павленко, Диёржон Туропов ва Дониёр Исмоиловлар кеча ортга қайтишган ва бугундан Ўзбекистон олимпия терма жамоаси йиғинида иштирокни бошлашди.
Учрашувда жамоамиз қуйидаги таркибда иштирок этди.
"Олмалиқ": Валерий Фомичёв (Никита Шквирин, 66), Саҳоб Жўраев, Саидкомил Акбаров, Евгений Гоголь, Абдуқаҳҳор Ҳожиакбаров, Арслонмурод Аманов, Ислом Иномов (Муҳаммад Исаев, 80), Шавкат Саломов (Азамат Исроилов, 76), Зоҳир Пиримов (Саламат Қутибоев, 67), Камолиддин Мурзоев (Алишер Шоғуломов, 59), Неманья Йованович.
"Олмалиқ"нинг Туркия сафари 22 июлда ниҳоясига етади.
