Маълумки, Златан Иброҳимович ўзининг кескин фикрлари билан доимо ОАВ эътиборида туради. Шу билан биргаликда у ўз жамоасини тез-тез алмаштириб туради.
Швециялик ҳужумчи бошқа жамоага ўтганидан кейин собиқ жамоасига нисбатан ҳурматни сақлаб ўтирмайди ва танқидий фикрлар билдириши билан ажралиб туради. Аммо бу сафар Златан бошқачароқ вазиятга тушадиган кўринади. У собиқ клуби "Милан"га қайтишга яқин турибди.
Карикатурачи рассомимиз Жавлон Назаров Златан Иброҳимович мавзусига ўзгача ёндошди ва "Милан"га қайтаётганини ўз услубида изоҳлади. Карикатуранинг моҳиятини "чақиш"га уриниб кўринг ва сиз ҳам ўз изоҳингизни беринг.
