Ўзбекистонлик теннисчи Денис Истомин Швециянинг Бастад шаҳрида ўтказилаётган мусобақанинг ярим финалига чиқа олмади.

Ҳамюртимиз франциялик Бенуа Пэрга қарши ўйинда 4:6, 2:6 ҳисобида имконятни бой берди. Теннисчилар 1 соатга яқин кортда баҳслашишди. Брек-поинтлардан унумли фойдаланган Пэр ғалабани ўз томонига оғдирди.

Эслатиб ўтамиз, Истомни Бастед турнирининг илк даврасида аргентиналик Диего Шварцманни 6:3, 6:4, иккинчи даврада испаниялик Николас Альмагрони 6:3, 6:3 ҳисобида мағлуб этганди.

Денис ушбу турнирнинг чорак финалига етиб келгани учун 45 рейтинг баллига эга бўлди.