Лондоннинг "Челси" клуби ҳимоячиси Жон Терри бош мураббий Жозе Моуриньо жамоа билан шартнома имзолангани борасида ўз фикрларини билдириб ўтди.
"Жозе Моуриньо жамоага қайтишдан аввал "Челси"га барқарорлик етишмасди. Португалиялик мутахассис клубдан кетиб, яна қайтиб келгунча мен 7 нафар мураббий билан ишладим. У яна қайтганидан хурсандман. Жозе инсонларни олдиндан кўра олади ва ўйинчилар билан ажойиб натижаларга эриша олади. Бу эса уни жаҳоннинг энг яхши мураббийига айлантиради.
Ҳозир йиғин пайтида у биздан тинимсиз меҳнатни талаб қилмоқда, ҳеч қандай бўшашишга ўрин йўқ. Юқори даражани сақлаб туриш учун биз ўсишимиз керак. Моуриньонинг клуб билан шартномани узайтиргани — биз учун яхши хабар бўлган бўлса, рақибларимиз учун ёмон хабар бўлди", - дейди Терри.