Лионель Мессининг икки ҳафта аввал Габондаги стадионга қўйган рамзий маънодаги илк ғиштини ўғирлаб кетишди. Аргентиналик юлдуз Габон давлати президенти Али бен Бонго Ондимбининг таклифига биноан ушбу мамлакатга ташриф буюрган ва Порт-Жантиле шаҳридаги стадионга илк ғиштни қўйганди.
Айни пайтда полиция Мессининг қўли теккан “қимматбаҳо ғишт”ни тунаб кетган ўғриларни кенг миқёсда қидирмоқда. Мессининг ташрифи габонликлар томонидан турлича қабул қилинган эди. Айримлар бу ташрифни тарихий воқейликка йўйган бўлса, баъзилар кўча кийимида келган Мессидан ранжиганди.
