"Манчестер Юнайтед" ва Криштиану Роналду. Бу клуб ва футболчи ўртасида узилмас ришталар бор, албатта. "Қизил иблислар"нинг энг кучли даврларидан бирида Роналду янги юлдуз сифатида порлаган. Португалиялик футболчининг дунё миқёсида мегаюлдуз даражасига чиқишида "МЮ" ва ўша даврдаги бош мураббийи сер Алекс Фергюсоннинг ҳиссаси катта.
Роналду ўша пайтда "қизил иблислар"нинг гавҳари эди. Худди узукка кўз қўйгандек, Роналду "МЮ"га, "МЮ" эса Роналдуга ярашарди. Криштиану Манчестерни тарк этганидан сўнг уни ортга қайтариш ҳақида кўп гапирилди ва ҳаракат қилинди. Ҳаттоки мухлислар банкда ҳисоб рақами очиб, пул тўплашгани ҳақида хабарлар ҳам тарқалди.
Сайтимиз карикатураси рассоми Жавлон Назаров эса ван Галнинг Роналдуни ортга қайтаришга уринаётганини ўз услубида сиз азизларга тақдим этмоқчи. Хулоса ва изоҳ ўзингиздан.
