Маълум бўлишича, ЎФФ Терма жамоалар маркази 13 октябрь куни Ўзбекистон миллий жамоасига ўртоқлик учрашуви ташкиллаш мақсадида бир қатор давлат футбол федерацияларига мактуб жўнатган. Хабарларга қараганда, хусусан, Тунис, Ҳиндистон ва Янги зеландияликларга таклиф билан чиқилган. Тунис термаси билан Дубайда куч синашиб кўриш варианти илгари сурилган бўлса, Ҳиндистон ва Янги Зеландия миллий жамоалари Тошкентга чақирилган. Таъкидлаш жоиз, Ўзбекистон бош жамоаси зеландияликларни ўтган йили Тошкентда 3:1 ҳисобида мағлуб этганди.
Эслатма: Самвел Бабаян бошқарувидаги жамоамиз 8 октябрь куни ЖЧ-2018 саралаши иккинчи раунди 5-тури доирасида Манамада Баҳрайн термаси меҳмони бўлади.
