Швейцариянинг Гштаад шаҳрида теннис бўйича соврин жамғармаси 494,310 еврони ташкил этувчи турнирнинг асосий тўр баҳслари давом этмоқда. Хабар берганимиздек, ушбу мусобақада ҳамюртимиз Денис Истомин ҳам иштирок этяпти.
Кеча мамлакатимизнинг биринчи рақамли теннисчиси турнирнинг жуфтликлар мусобақаси илк даврасида кортга чиқди. Беларуслик Александр Бурий билан тандем ҳосил қилган ҳамюртимиз польшалик Мариуш Фристенберг ҳамда мексикалик Сантьяго Гонсалес жуфтлигидан 6:3, 7:6 ҳисобида устун келди.
Эслатиб ўтамиз, теннисчимиз яккаликнинг биринчи даврасида саралаш мусобақаси ғолибларидан бири франциялик Максим Тейшерани 6:0, 6:4 ҳисобида таслим этганди.
