Ўзбекистон Кубоги чорак финалида "Пахтакор" "Цементчи"дан устун келди.
Ўйинда ташаббус тошкентликлар тарафида бўлди. Учрашувнинг 27-дақиқасида Махарадзе чап оёғида 16 метрлардан дарвозани ишғол қилди, 1:0.
33-дақиқада Сергеев ҳисобни 2:0га етказди. Каримов-Андреев комбинациясидан кейин Игорь тўпни бўш дарвозага йўллаб қўйди. Иккинчи бўлимда ҳисоб ўзгармади. Шу тариқа "Пахтакор" мамлакат кубоги ярим финалига йўл олди. Бу босқичда пахтакорчилар "Бунёдкор" - "Сўғдиёна" жуфтлиги ғолибига қарши ўйнайди.
Ўзбекистон кубоги, чорак финал, жавоб ўйин
"ПАХТАКОР" - "ЦЕМЕНТЧИ" - 2:0 (2:0)
28 июль. "Пахтакор" стадиони. 211 томошабин.
Ҳакамлар: Б.Намозов, Р.Фозилов, М.Мажидов (Наманган).
Назоратчи: Б. Галеев (Урганч).
Голлар: Махарадзе 27, - 1:0. Сергеев 33, - 2:0.
"Пахтакор": Лобанов, Андреев, Кримец, Ораховац (К.Тожиев, 68), Ҳошимов, Махарадзе, Соҳибов (Исматуллаев, 46), Каримов, Пардаев, Машарипов, Сергеев (Солиев, 71).
"Цементчи": Абдураимов, Ёқубов, Мелибоев, Қурбонов, Матмусаев, Камолов (Файзуллаев, 73), Қобилов (Раҳимзода, 46), Акбаров, Эминов (с), Дадабоев (Маматов, 46), Мамасолиев.
Огоҳлантиришлар: Пардаев, 45. Ҳошимов, 72.
Биринчи ўйин - 2:2
