"Ливерпуль" ҳужумчиси Рики Ламберт хизматларига Англия трансфер бозорида қизиқиш жуда юқори.
Sports.ru нинг Daily Mail га асосланиб хабар беришича, "Вест Бромвич"дан ташқари 33 ёшли футболчини "Тоттенхэм", "Норвич" ва "Лестер" сафларига чорлашаяпти.
Хабарда, шунингдек, "Ливерпул"нинг Ламберт сотувидан 4,5 миллион фунт даромад кўришни истаётгани таъкидланган.
"Тоттенхэм" форварднинг тоголик Эммануэль Адебайор ва испаниялик Роберто Сольдадо ўрнига олишни мўлжаллаяпти. Қўшимча қилиб шуни айтиш мумкинки, Ламберт "шпорлар" бош мураббийи Маурисио Почеттинога "Саутгемптон"даги ҳамкорлик сабаб яхши таниш.
