Серхио Рамос «Реал» билан шартномани узайтиришга рози бўлиб, маблағ томонлама ютқазадиган бўлди. Боиси, «Манчестер Юнайтед» унга кўпроқ маош таклиф қилганди, дея хабар беради Marca.
Испания терма жамоаси ҳимоячиси "Мадрид" билан 2020 йилгача тузиладиган шартнома борасида келишувга эришгани ва йилига 9 миллион евро маош олиши ҳақида хабар тарқалганди. «Манчестер Юнайтед» эса Рамосга 12 миллион йиллик маош таклиф қилган.
Британия ОАВ тарқатган маълумотга кўра, Рамоснинг "Реал"да қолишга қарор қилгани манчестерликларга ёқмаган. Клубнинг фикрича, ҳимоячи ўз талабини "Реал"га ўтказиш учун улардан фойдаланган.
Аввалига Рамос ўз жамоасидан 10 млн евро йиллик маош талаб қилган.
