"Рубин"нинг ганалик яримҳимоячиси Муборак Вакасонинг ҳозирги ва аввалги агентлари жанжали туфайли футболчининг "Ал Иттиҳод"га трансфери амалга ошмай қолди, дея хабар беради ghanasoccernet.com.
25 ёшли футболчининг янги агенти Эдуардо "Ал Иттиҳод" билан йиллик 2,5 миллион маош тўғрисида келишиб олган, шундан сўнг футболчи тиббий кўрикдан ўтиб, шартнома имзолашга тайёр эди. Аммо кейин эски агент Мигель Гарсиас Ита аралашиб, Эдуардо футболчининг қонуний агент эмаслигини маълум қилди. Ита бу ҳақда ФИФАни ҳам огоҳ қилди.
Шундан сўнг "Ал Иттиҳод" ФИФАнинг санкциясида хавотирланиб шартнома имзолашдан воз кечди.
