Италиялик таниқли журналист Танкреди Палмери “Реал”нинг уэльслик ярим ҳимоячи Гарет Бэйл “Манчестер Юнайтед”га сотмоқчи бўлганини таъкидламоқда, деб хабар қилади Спорт Экспресс.
Нашрнинг Палмери сўзларини келтиришича, шу йилнинг март ойида “Қироллик клуби” 26 ёшли футболчини “МЮ”га беришга ва эвазига Анхель Ди Марияни қайтариб олиш ва қўшимча компенсация тўловини қабул қилишга тайёр бўлган. Бироқ аргентиналик хавбекнинг ўзи Мадрид клубига қайтишни истамаган.
Эслатиб ўтамиз, Ди Мария расман “ПСЖ” футболчиси сифатида таништирилди. Палмерининг сўзларига кўра “Манчестер Юнайтед” барибир “Реал”га Бэйл трансфери бўйича таклиф билдиради.
Маълумот ўрнида, 2013-йилда “қаймоқранглилар” таркибига “Тоттенхэм”дан 100 миллион евро эвазига трансфер қилинган Бэйл футбол тарихидаги энг қиммат футболчи ҳисобланади.