Нуфузи жиҳатидан Чемпионлар лигасидан сўнг иккинчи ўринда турувчи Европа Лигасида учинчи саралаш босқичининг жавоб учрашувлари ўтказилди. Афсуски, ҳамюртимиз Санжар Турсунов тўп тепаётган “Ворскла” клуби икки ўйин натижасига кўра Европа Лигасини аламли тарзда тарк этди.
Полтаваликлар Словакиянинг “Жилина” клубини 3:1 ҳисобида мағлубиятга учратишди. Ўйиннинг асосий вақти 2:0 ҳисобида якунланди. Икки ўйин натижасига кўра мувозанат тикланди. 101-дақиқада Санжар Турсунов ўзи ишлаган пенальтини голга айлантирди. Аммо қўшимча бўлимнинг сўнгги сониясида Виллиамнинг голи “Ворскла”ни “ўйиндан” чиқарди. Энг аламлиси, меҳмонлар майдонда бир киши кам бўлиб ҳаракат қилишаётганди.
ВОРСКЛА – ЖИЛИНА 3:1
Голлар: Шиндер, 67, Е. Ткачук, 90+1, Турсунов, 101 (пенальтидан) — Виллиам, 120+1
“Ворскла”: Непогодов — Сапай, Е. Ткачук, Даллку, Симинин (Пердута, 46) — Скляр (Мищенко, 87), А. Ткачук — САНЖАР ТУРСУНОВ, Ковпак, Бартулович (Баранник, 60) — Шиндер
“Жилина”: Волешак — Шпалек, Вавро, Шкриниар, Летич (Гучко, 118) — Паур, Печовски, Мигалик (Виллиам, 78) — Бенеш (Шкварка, 73), Качер — Елич
Огоҳлантиришлар: Санжар Турсунов, Бартулович, Пердута, Даллку — Паур, Шпалек
Четлатиш: Шпалек, 100
