"Андижон" - "Машъал" баҳси турнинг энг қизиқарли ўйинларидан бири бўлиши кутилмоқда. Эртага "Соғлом авлод" стадионида бўлиб ўтадиган мазкур ўйин 18:30 да старт олади. Ўйинни Хасан Рўзиев бошчилигидаги ҳакамлар гуруҳи бошқаради. Айтиб ўтиш керакки ўтган мавсум ҳам айнан Олий лигадаги "Андижон" - "Машъал" учрашувини ушбу ҳакамлар гуруҳи бошқариб борган ва унда вакилларимиз 1:0 ҳисобида Қўзибоевни ягона голи эвазига ғалаба қозонган эди.
Ушбу баҳсда жамоамизга Ботир Носиров кичик жароҳати боис ёрдам бера олмайди. Бу ўйинда бир неча футболчи собиқ жамоасига қарши майдонга тушиши мумкин. Иқбол Бобохонов ўтган мавсумни "Машъал"да ўтказди ва иккинчи давра "Андижон" сафига бориб қўшилди. "Машъал"да эса Шаҳзод Шайманов ва Ғиёсжон Комиловлар маълум муддат "Андижон" клуби шарафини ҳимоя қилган.
Ушбу ўйин шархи билан онлайн тарзда TWITTER.COM даги https://twitter.com/fcmashal_uz ушбу саҳифада ва FACEBOOK.COM даги https://www.facebook.com/fc.mashal ушбу саҳифадан танишиб боришингиз мумкин.
Эслатиб ўтамиз, биринчи даврада Муборакда бўлиб ўтган ўйинда 2:0 ҳисобида "газчилар" ғалаба қозонган ва голларни Жамшид Хасанов ва Владислав Ивановлар киритган.
