“Ливерпуль” ҳужумчиси Марио Балотелли Дубайнинг “Ал-Аҳли” клубига ўтишни истамади, деб хабар бермоқда Bombardir.ru.

“Балотелли ҳақида ўйлаб кўрдик ва унинг агенти Мино Райола билан бу борада суҳбатлашдик. Аммо Марио таклифимизни рад қилди ва бошқа клубда ўйнашни истаяпти”,  - дейди бу борада “Ал-Аҳли” устози Космин Оларою.

Эслатиб ўтамиз, футболчи хизматларига “Сампдория”, “Фиорентина” ва “Болонья” клублари ҳам қизиқиш билдиришган. Аввал “Сампдория” президенти “Ливерпул”нинг форвард трансфери учун 8 миллион фунт сўраётганини маълум қилганди.

Балотелли ўтган мавсум Англия премьер-лигасида сермаҳсуллик борасида ёмон кўрсаткич намойиш қилган ҳужумчилар орасида учинчи ўринни эгаллаган. Унинг реализация кўрсаткичи 2,78% ни ташкил қилган. 2014/15-йилги мавсумда Марио АПЛнинг 16 ўйинида 1 та гол киритган.