“Насаф” – “Олмалиқ” учрашувидан (2:0) кейинги матбуот анжуманида дастлаб меҳмонлар устози Игорь ШКВИРИН иштирок этди.

-“Насаф”ни ҳақли ғалаба билан табриклайман. Бугун мезбонлар ҳар томонлама биздан кучли эканликларини намойиш этишди. Улар бугун бунданда кўпроқ гол уришлари мумкин эди. Яхшиямки, ўша вазиятларда ҳужумчиларда аниқлик етишмади.

Об-ҳаво? Йўқ, бугунги об-ҳаво уч кун олдингига қараганда анча яхши ва бемалол футбол ўйнаш мумкин эди. Мавсум олдидаги вазифалар? Албатта, назарий жиҳатдан ҳали кучли тўртликка кириш имконияти бизда мавжуд. Чунки олдинда 13 та тур бор. Лекин “Насаф” айнан ўша вазифани бажариш учун дадил қадам ташлаган бўлса, биз тобора ортга қараб кетаяпмиз...