«Ливерпуль» ҳужумчиси Марио Балотелли ҳозирда ўзига янги жамоа изламоқда. У ўз хизматини «Интер»га таклиф қилди.
Балотеллининг собиқ клуби унга қатъий рад жавобини берди, дея хабар тарқатди Football Italia нашри. 24 ёшли футболчи БААнинг "Ал-Аҳли" клубидан тушган таклифни рад қилганди. "Лацио" Чемпионлар лигасининг гуруҳ босқичи йўлланмасини қўлга киритса, Марио римликлар сафига қўшилишга ҳаракат қилиб кўради.
Бундан ташқари, футболчига «Болонья» ва «Сампдория» жамоалари ҳам даъвогарлик қилишмоқда. Улар Балотеллини ижарага олишлари мумкин, агар «Ливерпуль» ўйинчи маошининг бир қисмини тўлашга рози бўлса.
Аввалроқ ливерпулликлар Балотеллини "Милан"га таклиф қилишганди, бироқ "россонери" раҳбарияти мазкур таклифга рад жавобини беришганди.