18-тур доирасидаги «Қизилқум» - «Динамо» ўйини олдидан жамоамиз таркибида йўқотишлар мавжуд.

Жумладан, «Динамо» - «Бухоро» (2:0) ўйинида навоийлик бош ҳакам Зокир Қодиров томонидан огоҳлантирилган Артём Филипосян энди Навоий жамоасига қарши ўйинни ўтказиб юборади. Сабаби бу сариқ карточка марказий ҳимоячининг мавсумдаги тўртинчи сариқ карточкаси бўлди ва у энди битта учрашувни ўтказиб юбориши шарт.

Шунингдек, сўнгги ўйинда навоийлик рефери Фаррух Шотурсуновга ҳам иккита сариқ карточка кўрсатиб майдондан четлатилганди. Натижада «Динамо» ҳужумчиси ҳам Навоийдаги ўйинда майдонга туша олмайдиган бўлди. «Бухоро» билан ўйинда шундай муаммо сабаб майдонга туша олмаган Акмал Холмуродов эса келаётган турда сафга қайтиши кутилмоқда.

Эслатиб ўтамиз, «Қизилқум» - «Динамо» ўйини 15 август шанба куни Навоийда бўлиб ўтади. Учрашувни Вадим Агишев бошчилигидаги ҳакамлар бошқариб боришади.