“Барселона” бош мураббийи Луис Энрике “Атлетик”ка қарши кечган (0:4) Испания Суперкубогининг илк ўйини ҳақида тўхталиб ўтди.

“Эҳтимолий камбэк ҳақида ўйламаслик аҳмоқлик бўлади. Бизга бироз омад етишмади.

Қабул қилинган мағлубиятда бор масъулиятни ўз зиммамга оламан. Тўғри, таркибда қилган ўзгаришлар ўйинчиларимга бошқача таъсир кўрсатди. Аммо биз ҳали ҳам янги мавсумга тайёргарлик кўряпмиз ва ҳозир футболчиларни танқид қилишнинг мавриди эмас.

Шунингдек, ҳозир баҳона излашнинг ҳам вақти эмас. Мен жавоб учрашувида ҳам худди бугунги таркибни тушираман.

Душанба куни биз мухлисларимиз учун бор кучимизни сарфлашга ва “Атлетик” дарвозаси олдида жиддий хавф юзага келтиришга ҳаракат қиламиз”, - дея Энрике фикрларини келтиради sports.ru.