“Атлетико” бош мураббийи Эрнесто Вальверде гарчи Бильбаода Испания Суперкубоги учун “Барселона” билан биринчи учрашувдаги йирик ғалабага(4:0) қарамай жамоа совринни нақд қилмаганини айтиб ўтди. Мутахассиснинг сўзларига кўра ҳаммаси “Камп Ноу”даги жавоб ўйинида ҳал бўлади.
- Бу ҳеч ким кутмаган ажойиб натижа бўлди. Лекин футболда бу каби ишлар тез-тез содир бўлиб туради, - дея Вальверде сўзларини келтиради AS га таяниб Спорт Экспресс. - Айниқса таблодаги ҳисоб эътиборни тортаяпти, сабаби “Барселона”нинг 0:4 ҳисобида мағлуб бўлиши ҳар куни содир бўладиган ҳолат эмас. Бу “Сан-Мамес”даги сеҳрли кун бўлди. Натижани ҳимоя қилмоқчимиз. Учрашув тақдири ҳал қилинди деб ҳам ҳал қилинмади деб ҳам ҳисобламаяпмиз. Жавоб учрашувида бизни нима кутиб турганини яхши биламиз.
